روخانه قلعه

جومه قبل مره یه موقعیت گیر بمه کی بشوم " قلعه رودخان". حدوداً 10 صوب بو که برسیم فومن. فومنی جی ام بشم(بشوئیم) منطقه حیدرآلات طرف که اسم جالبی دره. مو فیکر کونم حیدر یه نفر اسم بو و چون بدهیبت بو اونه صدا زن "حیدر آل "یعنی" آله موسون حیدر" و او مناطقم بعدآ بوتن(بگفتیدی) حیدرآلات (اشکوراته موسون (مانستن)). یه سری عکس بیتم که تینین(تینیدی) بینین(بیدینید). آخرین جائیکه کی ماشین شوتینه (تانه بشون) حدودآ 5 کیلومتر قلعه همرا(مره) فاصله دره و بعد حدوداً 3 کیلومتر پله خوره که پلنه هما(همه) سنگفرش بودن و اگر وارش ببون راشوراهی (محل گذر) تیلا نبون (گلی نمی شود). او آخری پیچه سر یوهو قلعه دشه(شنه دن) که درختانه میین قد بکشیو آدم حدس ز تینه (تانه حدس بزنه) کی چندی پیله (بزرگ) هیسه. تا قلعه سر رسی یهو هوا خنکابون و د شرجی نییه و آدما جون خشکابون، انگار که بشه بی کولر گازی بون. ارتفاع قلعه حدوا 700 متر هیسه. ای جور قلعنه شماله منطقه ای طرف او طرف د شه. "قلعه گردن" و " قلعه کوتی" موسون (مانند=مانستن) که ای طرف و او طرف پولو رود، جنگلانه مییان، اشکور نرسر (نرسیده) چاکودن (درست کرده اند). مو فیکر کونم که قلعه رودخان اصلی ایسم "قلعه رودخانه" ببون هوتو کی امو گیلکی مییان گیم " روخانه قلعه" . شرقی قسمته قلعه که سربازان و نظامنی شی بو الن مرمت ببه و غربی قسمت که شاه نیشین بو مخروبه هیسه و جای تاسف دره کی علیرغم تابلوهای هشداردهنده مردم اونه حصارن و دیوارنی جی فچکن (با دست و پا بالا می روند) و تشاچینن (آتش زنن) و کباب زنن و ذغال گیرن و خو آشغالانه اویه شونن!(عکسانه نیگا بونین). اینم کی گون قلعه سلجوقیه دوره یه تجدید بنای کلی دشت (دشتیدی) به نظر مو بخاطر این هیسه که دوره سلجوقیه دوره ای هیسه کی سلجوقن (سلجوقیان) آذربایجان و قفقاز و آناتولی یه هجوم هورن (می آورند) و هی دوره من اویانه (اونجاها) زوان (زبان) عوضابون و قلعه به ای پیلگی (بزرگی ) نشان دهه کی مقاومت بزرگی در راه بو و امروز امو با اوشنه کی ای قلعنی مییان امی وطن و امی زوانه و امی فرهنگه حیفظاگودن، قدردان ببیم.